இன்று ஒரு சொல் - எய்துதல்

இன்று ஒரு சொல் - எய்து-தல்

பொருள் :

1. அணுகுதல் - நெடியோயெய்த வந்தனம் (புறநானூறு)

2. அடைதல் - ஏமம் வைக லெய்தின்றா லுலகே (குறுந்தொகை)

தூநிறக் கங்கையாள் சூழ லெய்தினான் (கம்பராமாயணம்)

3. பணிதல்

4. நீங்குதல்

5. பொருந்துதல் - காலத்தோ டெய்த வுணர்ந்து செயல் (திருக்குறள்)

6. சம்பவித்தல் - எட்டி குமர னெய்திய துரைப்போன் (மணிமேகலை)

7. உண்டாதல் - மாசெனக்கெய்தவும் (கம்பராமாயணம்)

8. போதியது ஆதல்- சுனைவாய்ச் சிறுநீரை யெய்தாதென் றெண்ணி (ஐந்திணை ஐம்பது)