வந்துட்டேன்னு சொல்லு…. கிறிஸ்டியானோ ரொனால்டோவின் வரலாற்று சாதனை!  

தான் ஆடிய ஆறு உலகக் கோப்பைகளிலும் கோல் அடித்த ஒரே வீரர் என்ற சாதனையைப் படைத்துள்ளார் போர்ச்சுகல் அணியின் நட்சத்திர வீரர் கிறிஸ்டியானோ ரொனால்டோ.

முன்னதாக காங்கோ டி ஆர் நாட்டுடன் 1-1 என்ற கணக்கில் போர்ச்சுகல் டிரா செய்தபோது ரொனால்டோ விமர்சனத்துக்குள்ளானார். இவரோட ஆட்டம் போயிடுச்சு..ஏன் இவரை அணியில் வெச்சிருக்கீங்க என்று பேச ஆரம்பித்தனர்.

இந்நிலையில் குரூப் கே பிரிவில் நடந்த உஸ்பெகிஸ்தானுக்கு எதிரான போட்டியில் போர்ச்சுகல் அணி புத்துயிர் பெற்று 5-0 என்ற கோல் கணக்கில் வெற்றி பெற்றது.

ரோனால்டோ இரண்டு கோல்களை அடித்து கலக்கினார். ஆட்டம் முடிந்தபின் டெலிவிஷன் காமிராக்களை நோக்கி,’ ஐ ஆம் பேக்’ என்று உண்ர்ச்சியுடன் கத்தினார். ரோனால்டோவை விமர்சித்தவர்களுக்கு இது பதிலாக அமைந்தது.

இந்த 41 வயது வீரர், போர்ச்சுகலுக்காக உலகக்கோப்பையில் அதிக கோல் அடித்த சாதனைக்கும் சொந்தக்காரர் ஆனார். அறுபது ஆண்டுகளுக்கு முன்பாக யூசுபியோ என்ற வீரர் அடித்த 9 கோல்கள்தான் முறியடிக்க முடியாத சாதனையாக இருந்தது.