இலங்கை

4 மோப்ப நாய்களுடன் இந்திய மீட்புக் குழுவினர் 80 பேர்!

Staff Writer

நான்கு மோப்ப நாய்களுடன் 80 பேரைக் கொண்ட இந்திய மீட்புக் குழுவினர் இராணுவ விமானத்தில் இலங்கைக்குச் சென்றனர். இன்று காலை 7 மணிக்கு உதவிக்குழுவின் விமானம் கொழும்பில் தரையிறங்கியது. 

முன்னதாக, புயலால் பாதிக்கப்பட்ட இலங்கைக்கு இந்திய அரசு உதவி செய்யும் என பிரதமர் மோடி அறிவித்திருந்தார். அதன்படி, விமானம், கப்பல்கள் மூலம் இந்தியாவின் சார்பில் மொத்தம் 80 டன் உணவு, மருத்துவ நிவாரணப் பொருட்கள் கொண்டுசெல்லப்படுகின்றன.

இன்று காலையில் விமானத்தின் மூலம் சென்ற இந்திய மீட்புக் குழுவில் 76 ஆண்களும் நான்கு பெண்களும் இடம்பெற்றுள்ளனர்.

நான்கு மோப்ப நாய்களும் விமானத்தில் இவர்களுடன் கொண்டுசெல்லப்பட்டன.

நிவாரணப் பொருட்களை இலங்கைக் கடற்படை அதிகாரிகள் முறைப்படி பெற்றுக்கொண்டனர்.