த.வெ.க. தலைவர் விஜய் பொறுப்பு ஆளுநர் அர்லேக்கரைச் சந்தித்து, தமிழகத்தில் ஆட்சி அமைப்பதற்கான உரிமையைக் கோரினார்.
முன்னதாக, இன்று மதியம் இதையொட்டி கேரளத்திலிருந்து ஆளுநர் அர்லேக்கர் சென்னைக்கு வந்திருந்தார்.
காலையில், காங்கிரஸ் தலைவர்கள் முன்னிலையில் அக்கட்சியின் சட்டமன்ற உறுப்பினர்கள் 5 பேரும் விஜய்யிடம் நேரில் ஆதரவு தெரிவித்து, அதற்கான கடிதத்தையும் கொடுத்தனர்.
அதைத் தொடர்ந்து, த.வெ.க. சட்டமன்ற உறுப்பினர்கள் 107 பேர், காங்கிரஸ் உறுப்பினர்கள் 5 பேரின் ஆதரவு உள்ள கடிதத்தை ஆளுநரிடம் விஜய் அளித்தார்.
பிற்பகல் 3.30 மணியளவில் தொடங்கிய இச்சந்திப்பு சுமார் அரை மணி நேரம் நீடித்தது.
நாளை விஜய்யின் அமைச்சரவை பதவியேற்கும் விழா நடைபெறும் என்று கூறப்படுகிறது.