உலகக் கோப்பை கால்பந்துப் போட்டியின் குரூப் போட்டிகள் இறுதிக்கட்டத்தை எட்டியுள்ள நிலையில், போட்டிகள் விறுவிறுப்பாக நடந்து வருகின்றன.
பிரான்ஸ், நார்வே அணிகளுக்கு இடையேயான போட்டியில், பிரான்ஸ் அணி ஆதிக்கம் செலுத்தியது. இந்த ஆட்டத்தில் 4-1 என்ற கோல் கணக்கில் நார்வேவை பிரான்ஸ் அணி வீழ்த்தியது.
செனகல், ஈராக் அணிகள் மோதியதில் மிகப்பெரிய வெற்றியை செனகல் அணி பதிவு செய்தது. ஈராக் அணிக்கு எந்த வாய்ப்பையும் வழங்காமல் 5 கோல்களை அடித்து அபார ஆட்டத்தை செனகல் அணி வெளிப்படுத்தியது.
ஸ்பெயின், உருகுவே ஆகிய இரு அணிகளும் கடுமையாக மோதிய நிலையில், முதல் பாதியில் அடித்த ஒரு கோல் தான் ஸ்பெயினுக்கு வெற்றியைத் தேடித்தந்தது. இந்த வெற்றியால் ஸ்பெயின் அணி நாக்அவுட் சுற்றுக்குத் தகுதி பெற்றது.
பெல்ஜியம், நியூசிலாந்து அணிகளில் பெல்ஜியம் அணி 5-1 என்ற கோல் கணக்கில் நியூசிலாந்தை வீழ்த்தியது.
அடுத்ததாக, எகிப்து, ஈரான் அணிகளுக்கிடையேயான போட்டி விறுவிறுப்பாக நடைபெற்றது. இரு அணிகளும் தலா ஒரு கோல் அடித்ததால் போட்டி சமநிலையில் முடிந்தது.
கேப் வெர்டே, சவுதி அரேபியா அணிகளுக்கு இடையேயான போட்டியில் இரு அணிகளும் தீவிர முயற்சி எடுத்தும் ஒரு கோல் கூட அடிக்கவில்லை. இதனால், போட்டி கோல் ஏதுமின்றி டிராவில் முடிந்தது.
உலகக்கோப்பை கால்பந்துப் போட்டியின் குரூப் போட்டிகள் நிறைவடைவதற்கான இறுதிக்கட்டத்தை எட்டியுள்ளது.
ஏற்கனவே நாக்அவுட் சுற்றுக்கு சில அணிகள் தகுதிபெற்றுள்ள நிலையில், நடைபெறும் இறுதிக்கட்ட போட்டிகளின் முடிவில் நாக்அவுட் சுற்றுக்கு தகுதிபெறும் அணிகளின் இறுதிப் பட்டியல் உறுதியாகும்.