தணிக்கை என்பது இனி வேண்டாமே- கமல்

திரைப்படத் தணிக்கை வாரியத்தைப் பெயர் மாற்றியுள்ள நிலையில், இனி தணிக்கை எனக் குறிப்பிட வேண்டாம் என்று நடிகர் கமல் ஹாசன் கேட்டுக்கொண்டுள்ளார். 

இதுகுறித்து அவர் இன்று வெளியிட்டுள்ள சமூக ஊடகப் பதிவு :

” ஊடக நண்பர்களுக்கு ஒரு குறிப்பு. பல வருட விவாதங்களுக்குப் பின் censor என்ற சொல்லை நீக்கச் சொல்லி இந்தியாவின் மத்திய திரைப்படச் சான்றிதழ் வாரியமாக மாற்றி இருக்கிறோம். (Central board of film certification.)

சினிமாவில் தணிக்கை என்பது தவறு என்று வழக்காடி வழக்கொழிந்த சொல் தணிக்கை. தமிழ் ஊடகங்களும் தணிக்கை என்ற சொல்லை தவிர்க்க வேண்டும். திரை உலகு வாதாடி மத்திய அரசை நீக்க வைத்த பின் அச்சொல்லை பயன்படுத்த வேண்டாம். கலையை தணிக்கை செய்ய ஒரு ஜனநாயக அரசுக்கு உரிமை இருக்கக் கூடாது என்பதே உலக சினிமா ஒப்புக்கொண்ட நியாயம். தமிழ் சினிமாவும்தான்.” என்று கமல் தன் சமூக ஊடகப் பக்கத்தில் குறிப்பிட்டுள்ளார்.