தமிழ் நாடு
பா.ஜ.க. சட்டமன்ற உறுப்பினர்கள் இரண்டு பேர் இன்று மதியம் அ.தி.மு.க. வில் இணைவார்கள் என்று அ.தி.மு.க. சட்டமன்ற உறுப்பினர் அம்மன் அர்ஜூனன் பரபரப்பாக பேட்டிக் கொடுத்துள்ளார்.
கோவையில் செய்தியாளர்களை சந்தித்த அ.தி.மு.க. சட்டமன்ற உறுப்பினர் அம்மன் அர்ஜுனன் கூறியதாவது:
பா.ஜ.க.வினர் பிள்ளை பிடிக்கிற மாதிரி அலைகிறார்கள். பிள்ளை கிடைக்கவில்லை என்பதால் தான் நேற்று செய்தியாளர் சந்திப்பை ரத்து செய்தார்கள்.
பா.ஜ.க.விலிருந்து இரண்டு சட்டமன்ற உறுப்பினர்கள் இன்று மதியம் 2:15 மணிக்கு எடப்பாடி பழனிசாமி முன்னிலையில் அ.தி.மு.க.வில் இணைய உள்ளனர். பா.ஜ.க., எம்.எல்.ஏ.கள் இருவரும் கொங்கு அல்லது தென்மண்டலத்தைச் சேர்ந்தவர்களாக இருக்கலாம்.
பா.ஜ.க.வின் உண்மையான பி டீம் தி.மு.க. நான் இங்க ராஜாக இருக்கிறேன்; அங்கு போய் எதற்கு கூஜாவாக இருக்க வேண்டும். இந்த 40 தொகுதியில் பா.ஜ.க. ஒரு தொகுதியில் வெற்றி பெற்று காட்டட்டும். இதென்ன வடக்கு என்று நினைத்தார்களா? இது தென்மாநிலம். உங்களின் சலசலப்புக்கெல்லாம் அஞ்சமாட்டோம்.” என்று அம்மன் அர்ஜூனன் கூறினார்.
