தமிழ் நாடு
டித்வா புயல் காரணமாக தென் மாவட்டங்களில் மழை கொட்டித் தீர்த்துள்ளது. இராமநாதபுரம் மாவட்டத்தில் மீனவர்கள் கடல் சீற்றம் அதிகமாகக் காணப்படுகிறது. இதனால் பல நாள்களாக மீனவர்கள் கடலுக்குச் செல்லாமல் படகுகளைப் பாதுகாப்பாக நகர்த்திவைத்துள்ளனர்.
சுற்றுலாப் பயணிகள் தனுஷ்கோடிக்குச் செல்லத் தடை விதிக்கப்பட்டுள்ளது.
இந்நிலையில், இராமேசுவரம் தீவை நாட்டின் மற்ற பகுதிகளை இணைக்கும் தொடர்வண்டி சேவையும் மட்டுப்படுத்தப்பட்டுள்ளது.
அயோத்தி கண்டோன்மெண்ட் பகுதியிலிருந்து இராமேசுவரத்துக்கு இயக்கப்படும் விரைவு இரயில்வண்டி, மண்டபம்வரை மட்டும் இயக்கப்படும் என அறிவிக்கப்பட்டுள்ளது.
இதேபோல, சென்னை தாம்பரம், திருப்பதி ஆகிய இடங்களிலிருந்து வரும் விரைவு வண்டிகளும், திருவனந்தபுரத்திலிருந்து வரும் அமிர்தா விரைவு வண்டியும், புவனேசுவரம் அதிவிரைவுத் தொடர்வண்டியும் மண்டபம்வரைதான் இயக்கப்படும்.
சென்னை எழும்பூரிலிருந்து இயக்கப்படும் சேது அதிவிரைவு இரயில்வண்டி, இராமேசுவரம் விரைவு வண்டி ஆகியவை இராமநாதபுரம்வரை மட்டும் இயக்கப்படும்.
திருச்சி- இராமேசுவரம் விரைவுத் தொடர்வண்டி இன்று மானாமதுரைவரை மட்டும் இயக்கப்படும். மதுரையிலிருந்து இயக்கப்படும் பயணிகள் குறைவேகம் கொண்ட வண்டிகள் உச்சிப்புளிவரை மட்டுமே செல்லும்.
மறுமார்க்கத்திலும் இதைப்போலவே மாற்றங்கள் செய்யப்பட்டுள்ளன. பயணிகள் இரயில்வே துறையின் அட்டவணையை அறிந்துகொள்ளுமாறு கேட்டுக்கொள்ளப்பட்டுள்ளனர்.
