சென்னை- 54 விமான சேவைகள் நிறுத்தம்!

chennai airport
சென்னை விமான நிலையம்
Published on

டித்வா புயல் காரணமாக விமான சேவையில் பாதிப்பு ஏற்பட்டுள்ளது. சென்னையிலிருந்து பல்வேறு ஊர்களுக்கு இன்று 54 விமான  சேவை நிறுத்திவைக்கப்பட்டுள்ளது. 

புயல் காரணமாக புதுச்சேரியிலிருந்து ஐதராபாத், பெங்களூர் ஆகிய ஊர்களுக்குச் செல்லும் அனைத்து விமானங்களும் ரத்து செய்யப்பட்டுள்ளன.

தூத்துக்குடி விமான நிலையத்தில் 6 விமான சேவைகள் நிறுத்தப்பட்டுள்ளன.

தலைநகர் சென்னையிலிருந்து சேலம், திருச்சி, மதுரை, தூத்துக்குடி, பெங்களூர், ஐதராபாத், இலங்கையின் யாழ்ப்பாணம் ஆகிய இடங்களுக்கு இயக்கப்படும் 54 சிறிய இரக விமான சேவைகள் இன்று புயலால் நிறுத்தப்பட்டுள்ளன.

இன்று அதிகாலை முதல் நள்ளிரவுவரை இந்த சேவைகள் முற்றிலுமாக நிறுத்தப்பட்டுள்ளதால், பயணிகள் தங்கள் தொடர்புடைய விமான சேவை நிறுவனங்களைத் தொடர்புகொண்டு பயண நிலவரத்தை உறுதிப்படுத்திக்கொள்ள வேண்டும் என விமானநிலைய ஆணைய அதிகாரிகள் கேட்டுக்கொண்டுள்ளனர்.

பயணசேவை இரத்து செய்யப்பட்டுள்ள விமானங்கள் அனைத்தும் ஏடிஆர் எனப்படும் சிறிய இரக விமானங்கள் என்பது குறிப்பிடத்தக்கது. சூறாவளிக் காற்று போன்ற சூழல்களில் இந்த விமானங்களால் தாக்குப்பிடிக்க முடியாது என்பதால், இவற்றின் சேவை முழுவதுமாக நிறுத்தப்பட்டுள்ளது.

logo
Andhimazhai
www.andhimazhai.com