தமிழ் நாடு
இலங்கை, தமிழகத்தை சில நாள்களாகப் புரட்டியெடுத்த டித்வா புயல் ஒருவழியாக கரையைக் கடக்காமலே கடலிலேயே சென்றுவிடும் என வானிலை மையம் அறிவித்துள்ளது.
இதையொட்டி இராணிப்பேட்டை, திருவள்ளூர் மாவட்டங்களுக்கு அதி கனமழைக்கான சிவப்பு எச்சரிக்கை விடப்பட்டுள்ளது.
நாளை மதியத்துடன் சென்னையை விட்டு புயல் மழை விலகத் தொடங்கிவிடும் என்று பேரிடர் மேலாண்மைத் துறை அமைச்சர் சாத்தூர் இராமச்சந்திரன் தெரிவித்தார்.
ஆனாலும் ஐந்து இலட்சம் பேருக்கு வழங்குவதற்கு தலா 5 கி.கி. அரிசி பைகள் தயாராக வைக்கப்பட்டுள்ளன என்றும் அவர் கூறினார்.
இதனிடையே புயல் காரணமாக, சென்னை விமானநிலையத்தில் 36 உள்நாட்டு, 11 பன்னாட்டு விமானசேவைகள் நாளை நிறுத்தப்பட்டுள்ளன என அறிவிக்கப்பட்டுள்ளது.
புயல் காரணமாக நிறுத்தப்பட்ட இராமேசுவரம் தொடர்வண்டி சேவை மீண்டும் பாம்பன் பாலம் வழியாக இன்று தொடங்கியுள்ளது.
