தமிழ் நாடு
த.வெ.க.வில் முன்னாள் அமைச்சர் செங்கோட்டையன் இணைந்தது குறித்து சீமான் கிண்டலாகவும் மழுப்பலாகவும் கருத்து கூறினார்.
இன்று செய்தியாளர்களிடம் பேசிய அவரிடம், விஜய்யின் த.வெ.க.வில் செங்கோட்டையன் இணைந்ததைப் பற்றி எப்படிப் பார்க்கிறீர்கள் என ஒருவர் கேட்டார். அதற்கு சீமான், கிண்டலாக முகத்தை வைத்துக்கொண்டு, “நீங்கள்(செய்தியாளர்கள்) எப்படி அவர் இணையும்போது பார்த்தீர்களோ அதைப் போல நானும் (காணொலியில்) பார்த்தேன்.” என்றார்.
மேலும், “ (செங்கோட்டையன்) ஐயா என் மதிப்பிற்குரியவர். அவரைப் பற்றி...” என சில வினாடிகள் இழுத்து, பின்னர், ”எனக்கு (மேற்கொண்டு) கருத்து இல்லை.” என்றும் சீமான் கூறினார்.
கூட்டணி பற்றி செய்தியாளர்கள் கேட்டதற்கு, “ ஒவ்வொரு கட்சியும் அவர்கள் அணியை வலுப்படுத்தும். நான் மக்களுடன் கூட்டணி வைத்திருக்கிறேன். என்னுடைய வெற்றியும் தோல்வியும் என்னுடையது அல்ல.” என்று சீமான் இன்றும் கூறினார்.
