தமிழ் நாடு
வி.சி.க.வின் தலைவர் திருமாவளவன் முன்னர் அறிவித்திருந்த காட்டுமன்னார்கோவில் தொகுதியில் போட்டியிடும் முடிவைத் திரும்பப் பெற்றுள்ளார்.
சென்னையில் இன்று செய்தியாளர்களைச் சந்தித்த அவர் இதைத் தெரிவித்தார்.
தனக்குப் பதிலாக, மறைந்த காங்கிரஸ் தலைவர் இளையபெருமாளின் மகன் ஜோதிமணி வேட்பாளராக நிறுத்தப்படுவதாகவும் அவர் கூறினார்.
சமூக ஊடகங்களில் சில நாள்களாகப் பரப்பப்பட்ட கருத்துப்பரப்பல்படி, தான் துணைமுதலமைச்சராகப் பதவிக்காக இப்படியொரு முடிவை எடுத்ததாகச் சொல்வது தவறு என்றும் அவர் கூறினார்.
தன்னுடைய முடிவால் கூட்டணிக்குள் சிக்கல் வந்துவிடக்கூடாது என்பதற்காக, சட்டப்பேரவைத் தேர்தல் போட்டி முடிவிலிருந்து விலகும் உத்தியை எடுத்திருப்பதாகவும் இது பின்வாங்கல் இல்லை என்றும் அவர் கூறினார்.
சட்டப்பேரவை உறுப்பினர்கள் தன்னுடைய அரசியலையே அவைக்கு உள்ளே பேசினார்கள் என்பதையும் அவர் அழுத்தமாகக் கூறினார்.
