தொடங்கியது தி.மு.க. பிரச்சாரம் - மு.க.ஸ்டாலின் அறிவிப்பு!

வரும் மக்களவைத் தேர்தலுக்கான பிரச்சாரத்தை தி.மு.க. தொடங்கிவிட்டது என அக்கட்சியின்தலைவர் மு.க.ஸ்டாலின் தெரிவித்துள்ளார். 

இன்று மாலையில்தன் எக்ஸ் பக்கத்தில் இதுகுறித்து அவர்தகவலை வெளியிட்டுள்ளார். 

அதில், “ நாடாளுமன்றத் தேர்தல் பரப்புரையைத் தொடங்கியது தி.மு.க.! தமிழ்நாட்டின் உரிமைகளை மீட்டெடுக்க இந்தியாவின் தென் முனையில் ஒலிக்கத் தொடங்கியிருக்கும் இந்தக் குரல், வடக்கிலும் எதிரொலிக்கும், இந்தியாவின் பெருமைகளை மீட்டெடுக்கும்!” எனக் கூறியுள்ளதுடன், 

”பாசிசம் வீழும்! #INDIA வெல்லும்!” என்ற முழக்கத்துடன் முடித்துள்ளார். 

இந்தப் பதிவுடன், நாடாளுமன்ற மக்களவைத் தொகுதிவாரியாக நேற்று தொடங்கி நடைபெற்றுவரும் தி.மு.க.வின் ‘பாசிசம் வீழட்டும், இந்தியா வெல்லட்டும்’ என்கிற தலைப்பிலான பொதுக்கூட்டங்களின் காட்சிகளையும் ஸ்டாலின் பதிந்துள்ளார்.