தமிழ் நாடு
சென்னை மாநகராட்சியில் நீதிமன்ற உத்தரவுப்படி வேலை வழங்கக் கோரியும் தனியார் ஒப்பந்த முறையைக் கைவிடக் கோரியும் தூய்மைப் பணியாளர்கள் 4 பேர் தொடர் உண்ணாவிரதப் போராட்டத்தில் ஈடுபட்டுள்ளனர்.
சென்னையை அடுத்த அம்பத்தூர் பகுதியில் உழைப்போர் உரிமை இயக்கத்தின் அலுவலகத்தில் கடந்த இரண்டு வாரங்களாக இவர்கள் உண்ணாநிலைப் போராட்டம் நடத்திவருகின்றனர். பல்வேறு கட்சிகளும் அமைப்புகளும் இவர்களின் போராட்டத்துக்கு நேரில் ஆதரவு தெரிவித்து வருகின்றன.
இந்த நிலையில், உண்ணாநிலையில் இருந்துவந்த நால்வரில் ஜெனோவா எனும் தூய்மைப் பணியாளர் 13ஆவது நாளான இன்று உடல்நலம் பாதிக்கப்பட்டு மயக்கம் அடைந்தார். உடனே அவரை கீழ்பாக்கம் அரசு மருத்துவக் கல்லூரி மருத்துவமனைக்குக் கூட்டிச்சென்றனர்.
அங்கு அவருக்குத் தீவிர சிகிச்சை வழங்கப்படுகிறது.
இதனால் இந்தப் போராட்டத்தில் பரபரப்பு ஏற்பட்டுள்ளது.
