நீட் பலிகள் 19 பேர்...பச்சைப்பொய் சொன்னீர்களே - எடப்பாடி பழனிசாமி!

எடப்பாடி பழனிசாமி - மு.க.ஸ்டாலின்
எடப்பாடி பழனிசாமி - மு.க.ஸ்டாலின்
Published on

நீட் தேர்வால் தமிழ்நாட்டில் கடந்த நான்கு ஆண்டுகளில் 19 மாணவர்கள் தற்கொலை செய்துகொண்டதை அ.தி.மு.க. பொதுச்செயலாளர் எடப்பாடி பழனிசாமி பட்டியலிட்டுள்ளதுடன், பச்சைப் பொய் சொன்னீர்களே என தி.மு.க.வைக் கடுமையாகச் சாடியுள்ளார். 

இன்று வெளியிட்டுள்ள அறிக்கை ஒன்றில் அவர் இவ்வாறு கருத்துத் தெரிவித்துள்ளார்.  

அந்த அறிக்கை:

“ நீட் தேர்வு அச்சத்தால் சென்னையில் தர்ஷினி என்ற மாணவி தன் இன்னுயிரை மாய்த்துக்கொண்டதாக வரும் செய்தி அதிர்ச்சியளிக்கிறது.

நீட் என்ற தேர்வை நாட்டிற்கே அறிமுகப்படுத்தி, கூட்டணி கட்சியுடன் சேர்ந்து அதனை உச்சநீதிமன்றம் வரை சென்று வாதாடி, தமிழ்நாடு மாணவர்களின் மருத்துவக் கனவை சிதைத்திட அடித்தளம் இட்டதோடு அல்லாமல், "ஆட்சிக்கு வந்தால் நீட் என்ற தேர்வே தமிழ்நாட்டில் இருக்காது" என்று பச்சைப் பொய் சொல்லி ஏமாற்றிய திமுக-விற்கு தொடரும் நீட் மரணங்கள் மனசாட்சியை உறுத்தவில்லையா?

செப் 2021- தனுஷ், சௌந்தர்யா, கனிமொழிஅக் 2021- அனு, கீர்த்திவாசன்நவ 2021- சுபாஷ் சந்திரபோஸ்ஜூன் 2022- தனுஷ்ஜூலை 2022- முரளி கிருஷ்ணா, நிஷாந்திஆகஸ்ட் 2022- ப்ரீத்தி ஸ்ரீசெப் 2022- லஷ்மண ஸ்வேதா, ராஜலட்சுமிமார்ச் 2023- சந்துருஏப்ரல் 2023- நிஷாஆகஸ்ட் 2023- ஜெகதீசன்டிசம்பர் 2023- ஆகாஷ்அக்டோபர் 2024- புனிதாமார்ச் 2025-இந்து, தர்ஷினி

இந்த 19 மாணவச் செல்வங்களின் உயிர்களுக்கும் திரு. @mkstalin சொல்லப்போகும் பதில் என்ன? @Udhaystalin-ன் நீட் ஒழிப்பு ரகசியம் வெளிவர இன்னும் எத்தனை உயிர்கள் போக வேண்டும்?

தேர்தல் ஆதாயத்திற்காக சொன்ன பெரும் பொய்யால் உங்கள் கைகளில் சேர்ந்துகொண்டே இருக்கும் இரத்தக் கறைகளை எப்படி துடைக்கப் போகிறீர்கள்?

மாணவி தர்ஷினி மரணத்திற்கு ஸ்டாலின் மாடல் திமுக அரசே முழு பொறுப்பு! எனவே, நீட் தேர்வு நாடகத்திற்கு ஒரு முற்றுப்புள்ளி வையுங்கள்! மாணவர்களை ஏமாற்றாதீர்கள் திரு. @mkstalin!

மாணவச் செல்வங்களே- எதற்காகவும் உங்கள் இன்னுயிரை இழக்கத் துணியாதீர்கள். வாழ்க்கை பெரிது; உலகம் பெரிது! வாழ்ந்து சாதிக்க வேண்டுமே தவிர, செத்து வீழக் கூடாது. "நாம் நிச்சயம் வெற்றி பெறுவோம்" என்ற நம்பிக்கையோடு எப்போதும் முன் செல்லுங்கள். வெற்றி நிச்சயம் உங்களை வந்து கெஞ்சும்!” என்று எடப்பாடி பழனிசாமியின் அறிக்கையில் கூறப்பட்டுள்ளது.

logo
Andhimazhai
www.andhimazhai.com